Պատմություն

«Դպրոց-կենտրոնների միություն» ԻԱՄ-ի ստեղծման  և գործունեության պատմությունը.

• 2004թ. Հայաստանի տարածքը բաժանվեց 52 կրթական գոտիների (քլաստեր),  և ըստ «կրթական գոտիների» ընտրվեցին 52 դպրոցներ:
• 2004-2009թթ. Համաշխարհային բանկի ֆինանսավորմամբ իրականացվող «Կրթության  որակ և համապատասխանություն» առաջին վարկային ծրագրի շրջանակներում  ընտրված  դպրոցները դարձան ոչ միայն տվյալ կրթական գոտում ուսուցիչների վերապատրաստման, այլև հանրակրթության ոլորտի փորձարարական և նորարարական դպրոց-կենտրոններ: 
• «Կրթության որակ և համապատասխանություն» առաջին վարկային ծրագրի ավարտից հետո դպրոց-կենտրոնների ձեռք բերած փորձը համակարգելու և    զարգացնելու նպատակով  դպրոց-կենտրոնների տնօրենների, ԿԳ նախարարության և այլ շահագրգիռ կառույցների միջև քննարկումների արդյունքում    առաջարկվեց ստեղծել «Դպրոց-կենտրոնների միություն»:
• 2010թ. դեկտեմբերի 23-ի ՀՀ Կառավարության N1707-Ն որոշմամբ  թույլատրվեց հիմնադրել «Դպրոց-կենտրոնների միություն» իրավաբանական անձանց միություն:
• 2011թ.  հունվարի  27-ին «Դպրոց-կենտրոնների միությունը» գրանցվեց պետռեգիստրում, որպես ոչ առևտրային կազմակերպություն:
• 2012թ. օգոստոսի 1-ին ԿԳՆ «Կրթական ծրագրերի կենտրոն» ծրագրերի իրականացման գրասենյակի և «Դպրոց-կենտրոնների միություն» իրավաբանական անձանց միության միջև կնքվեց պայմանագիր, որի համաձայն պաշտոնապես սկիզբ դրվեց «Դպրոց-կենտրոնների միության» գործունեությանը:
• 2013թ. ՀՀ Կառավարության մայիսի 8-ի N 483-Ա որոշման համաձայն «Դպրոց-կենտրոնների միություն» ԻԱՄ-ի կազմում ընդգրկվեցին նոր 36 դպրոցներ, որի արդյունքում ԴԿՄ անդամ դպրոցների թիվը դարձավ 88:
• 2014թ. ՀՀ Կառավարության դեկտեմբերի 25-ի N 1475-Ա որոշման համաձայն «Դպրոց-կենտրոնների միություն» ԻԱՄ-ի կազմում ընդգրկվեցին նոր 26 դպրոցներ, որի արդյունքում ԴԿՄ անդամ դպրոցների թիվը դարձավ 110: