Հուշագրեր

• «Դիլիջան Ինտերնեյշնլ Սքուլ Օֆ Արմենիա»  միջազգային դպրոցի հետ

2014 թ. փետրվարի 27-ից մարտի 2-ը ք. Ծաղկաձորի «Գրողների ստեղծագործական տուն» հյուրանոցային համալիրում տեղի ունեցավ «Դպրոց-կենտրոնների միություն» իրավաբանական անձանց միության տարեկան համաժողովը: Համաժողովի ընթացքում  «Դպրոց-կենտրոնների միություն» ԻԱՄ-ի և «Դիլիջան Ինտերնեյշնլ Սքուլ օֆ Արմենիա» հիմնադրամի միջև ստորագրվեց հուշագիր, ըստ որի՝ UWC Դիլիջան դպրոցը և «Դպրոց կենտրոնների միություն» իրավաբանական անձանց միությունը պատրաստակամություն են հայտնում նպաստելու Հայաստանի՝ համաշխարհային կրթական քարտեզի վրա կարևոր դիրք ձեռք բերելու գործընթացին:

• «Հայաստանում Կորեայի մշակութային կենտրոն» հիմնադրամի հետ

2014թվականի  հունիսի 28-ին Երևանի Գր. Զոհրապի անվ. հ. 43 ավագ դպրոցում «Հայաստանում Կորեայի մշակութային կենտրոն» հիմնադրամի և «Դպրոց-կենտրոնների միություն» ԻԱՄ-ի միջև ստորագրվեց համագործակցության հուշագիր:

• ԵՊԼՀ Կոնֆուցիուսի ինստիտուտի հետ

2014 թվականի  սեպտեմբերի 26-29-ը ք.Ծաղկաձորի «Գրողների ստեղծագործական տուն» հյուրանոցային համալիրում իրականացվեց «Ներդպրոցական վերահսկողության պլանավորում և իրականացում» թեմայով քառօրյա սեմինար: Սեմինարի բացման արարողության ընթացքում ներկաներին ողջունեց նաև Չինաստանի Դալյան քաղաքի օտար լեզուների համալսարանի ռուսաց և օտար լեզուների ֆակուլտետի դեկան Փընգ Վնճաօ-ն: Նա ներկայացրեց Չինաստանի համալսարանի համագրծակցությունը տարբեր երկրների կրթական հաստատությունների միջև և ընդգծեց, որ պետք է զարգացնել և խթանել երկկող արդյունավետ համագործակցությունը Կոնֆուցիուսի ինստիտուտի և «Դպրոց-կենտրոնների միություն» ԻԱՄ-ի միջև՝ նպաստելով համատեղ արդյունավետ համագործակցությանը կրթութության կազմակերպման ոլորտում կողմերի ձեռք բերված փորձի փոխանակման շրջանակներում:
Այնուհետև Երևանի Վ. Բրյուսովի անվ. պետական լեզվաբանական համալսարանի Կոնֆուցիուսի ինստիտուտի և «Դպրոց-կենտրոնների միություն» ԻԱՄ-ի միջև ստորագրվեց համագործակցության հուշագիր:

• «Հետազոտություն, ուսումնասիրություն և պլանավորում Հայաստանի համար» ինստիտուտի հետ

2016թ. հոկտեմբերի 15-ին Երևանի Բ. Ժամկոչյանի անվ. հ. 119 ավագ դպրոցում տեղի ունեցավ «Դպրոց-կենտրոնների միություն» իրավաբանական անձանց միության կողմից կազմակերպված հանդիպում-սեմինար դպրոց-կենտրոնների տնօրենների և բնագիտական առարկաների ուսուցիչների համար:

Հանդիպման ընթացքում բացման խոսքով ելույթ ունեցավ ԱԺ պատգամավոր, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը: Այնուհետև կնքվեց Համագործակցության Հուշագիր Դպրոց-կենտրոնների միության և Կալիֆորնիայում գործող «Հետազոտություն, ուսումնասիրություն և պլանավորում Հայաստանի համար» ինստիտուտի միջև: Ինստիտուտի ղեկավար Հակոբ Փանոսյանն իրականացրեց սեմինար դպրոց-կենտրոնների տնօրենների և բնագիտական առարկաներ դասավանդող ուսուցիչների համար «Նորարարությունը սկսվում է դպրոցից» թեմայով:

Սեմինարի մասնակից ուսուցիչները ստացան մեթոդական աջակցություն նախապատրաստելու մեր աշակերտներին ԱՄՆ-ում կազմակերպվող Science Fair միջազգային բնագիտական մրցույթին: