«Դպրոց-կենտրոնների միություն» իրավաբանական անձանց միությունը Կոնֆուցիուսի Ինստիտուտի աջակցությամբ իրականացնում է «Չինաստանն իմ աչքերով» խորագրով միջոցառումների շարք ՀՀ դպրոցներում: Ծրագրի նպատակն է նպաստել դեռահասների /8-10-րդ դասարանի աշակերտների/ շրջանում Չինաստանի պատմության և մշակույթի ծանոթացմանը, հայ-չինական հարաբերությունների զարգացմանը, երկրի մշակույթի և լեզվի հանդեպ փոխադարձ բարեկամության սերմանմանը, դպրոցներում չինական լեզվի և մշակույթի տարածմանը:

Մրցույթին կարող են մասնակցել ՀՀ բոլոր դպրոցների 8-10-րդ դասարանի անհատ աշակերտներ, աշակերտական առանձին խմբեր, դասարաններ, որոնք պետք է պատրաստեն A 2 ֆորմատի պաստառներ (420X594):

Պաստառներում կարող են ներկայացվել`

• նկարներ, պատկերներ, կարգախոսներ, տարբեր նկարներից կազմված խճանկարներ` օգտվելով տեղեկատվական տեխնոլոգիաներից, օգտագործելով տարբեր համակարգչային ծրագրեր կամ ՏՀՏ գործիքներ,
• ձեռքի աշխատանքներ կամ ձեռքով նկարած նկարներ, որոնք պետք է լուսանկարվեն ինտերնետում տեղադրելու համար:

          Յուրաքանչյուր մարզից մրցույթում հաղթող կճանաչվի I, II, III տեղերը զբաղեցրած 3 պաստառներ , որոնք կստանան արժեքավոր մրցանակներ:

          Զգուշացում՝ մրցույթին ներկայացրած այն նկարները կամ պաստառները, որոնք պատրաստի վերցված կլինեն ինտերնետից, չեն մասնակցի մրցույթին:

  Հարցերի դեպքում զանգահարել «Դպրոց-կենտրոնների միություն» ԻԱՄ-ի գրասենյակ հետևյալ հեռախոսահամարով` /010/553004/ կամ գրել հետևյալ էլ.հասցեներով` usc.union@yahoo.com կամ dkm.usc@gmail.com: