ՀԻՇՈՒՄ ԵՆՔ ԵՎ ՊԱՀԱՆՋՈՒՄ
ՀՀ ԿԳ նախարարության և ՀՀ ոստիկանության նախաձեռնության համաձայն դպրոցում հանդիպում-զրույց անցկացրեց ՀՀ ոստիկանության Շտաբի տեսչական վարչության պետի տեղակալ, հետաքննության բաժնի պետ, ոստիկանության մայոր Հայկ Թումանյանը` անչափահասների քաղաքացիական դաստիարակության, իրավական գիտելիքների իմացության բարձրացման, նրանց կողմից կատարվող իրավախախտումները հնարավորինս կանխելու նպատակով: Հայկ Թումանյանը նաև սիրով մասնակիցը դարձավ անմոռուկների պատրաստման գործընթացի:
ԲԱՑ ԴԱՍ՝ ՆՎԻՐՎԱԾ ՀԱՅՈՑ ՄԵԾ ԵՂԵՌՆԻ ԶՈՀԵՐԻ ՀԻՇԱՏԱԿԻՆ ԵՐԵՎԱՆԻ Գ. ԷՄԻՆԻ ՆՎ, Հ. 182 ԱՎԱԳ ԴՊՐՈՑՈՒՄ
Եղեռնի 100 ամյակին ընդառաջ դպրոցում տեղի են ունենում տարբեր բաց դասեր, միջոցառումներ: Հերթական բաց դասը անցկացրին 10-4 դասարանի աշակերտները «Նեմեսիս» խորագրով:
Ուսուցիչ՝ Մարինե Քոչարյան
ԵՂԵՌՆԻ 100-ԱՄՅԱ ՏԱՐԵԼԻՑԻՆ ՆՎԻՐՎԱԾ ՄԻՋՈՑԱՌՈՒՄ ԱՐՏԱՇԱՏԻ Հ. ԹՈՒՄԱՆՅԱՆԻ ԱՆՎ. N2 ՀԻՄՆԱԿԱՆ ԴՊՐՈՑՈՒՄ
Եղեռնի 100-ամյա տարելիցին նվիրված միջոցառում էր կազմակերպված Արտաշատ քաղաքի Հովհ. Թումանյանի անվան N2 հիմնական դպրոցում: Այս անգամ միջոցառումը կազմակերպել էին դպրոցի «Պատմություն» արտադասարանական խմբակի աշակերտները՝ խմբակի ղեկավար Օֆիկ Միքայելյանի գլխավորությամբ:
Միջոցառման ընթացքում վեր հանվեցին մարդկային և տարածքային կորուստները, հայ ժողովրդի 100-ամյա դեգերումները, վրեժով լցված ուղին, հայերի պահանջատիրությունը, ցեղասպանության միջազգային ճանաչումն…
ԱՆՄՈՌՈՒԿՆԵՐԻ ՊԱՏՐԱՍՏՈՒՄ ԳԱՎԱՌԻ N3 ՀԻՄՆԱԿԱՆ ԴՊՐՈՑՈՒՄ
Ապրիլի 10-ին Գավառի Հ. Թումանյանի անվան N3 հիմնական դպրոցի 5-9-րդ դասարանների աշակերտները դասղեկի ժամին պատրաստեցին անմոռուկներ:
ԱՆՄՈՌՈՒԿՆԵՐԻ ՊԱՏՐԱՍՏՈՒՄ ՄՅԱՍՆԻԿՅԱՆԻ ԱՐԱՅԻ ԱՆՎ. ՄԻՋՆԱԿԱՐԳ ԴՊՐՈՑՈՒՄ
Մյասնիկյանի Արայի անվան միջնակարգ դպրոցի 5-12-րդ դասարանների յուրաքանչյուր սովորող 6-ական անմոռուկներ պատրաստելով՝ հարգանքի իրենց տուրքը մատուցեցին Հայոց Ցեղասպանության անմեղ զոհերի հիշատակին:
«ՀԻՇՈՒՄ ԵՄ ԵՎ ՊԱՀԱՆՋՈՒՄ» ԽՈՐԱԳՐՈՎ ՄԻՋՈՑԱՌՈՒՄՆԵՐԻ ՇԱՐՔԸ ՍԻՍԱՆԻ Հ.4 ՀԻՄՆԱԿԱՆ ԴՊՐՈՑՈՒՄ
Կանք, պիտի լինենք ու դեռ շատանանք
Շարունակվում է «Հիշում եմ և պահանջում եմ» միջոցառումների շարքը Սիսանի հ.4 հիմնական դպրոցում: 7-րդ դասարանի աշակերտները (դասղեկ Ն. Ալեքսանյան) ներկայացնում են ցեղասպանության նախապատրաստումը, ընթացքը և հատուցումը գեղարվեստական լուծումներով:
ՄՅԱՍՆԻԿՅԱՆԻ ՄԻՋՆԱԿԱՐԳ ԴՊՐՈՑԻ ՈՒՍՈՒՑԻՉՆԵՐԻ ԱՅՑԸ ԾԻԾԵՌՆԱԿԱԲԵՐԴ
Մյասնիկյանի միջնակարգ դպրոցի ուսուցիչները Հայոց Ցեղասպանության 100-ամյակին ընդառաջ՝ Ծիծեռնակաբերդի բարձունքից իրենց հարգանքի տուրքն են մատուցում անմեղ զոհերի հիշատակին:
ԱՆՑՅԱԼԸ ԼՌՈՒՄ Է, ՆԵՐԿԱՆ՝ ԱՂԱՂԱԿՈՒՄ
Գրական-երաժշտական կոմպոզիցիա Մյասնիկյանի Արայի անվան միջնակարգ դպրոցում՝ Հայոց ցեղասպանության 100- ամյակին ընդառաջ՝ «Անցյալը լռում է, ներկան՝ աղաղակում...» խորագրով՝մասնակցությամբ գրականության և երաժշտության խմբակների անդամների:
Հայերի կոտորածը 20-րդ դարի առաջին ցեղասպանությունն էր: Չարիքը թաքցնելը կամ ժխտելը հավասարազոր է արյունահոսող վերքն առանց վիրակապի թողնելուն:
ՀԻՇԱՏԱԿԻ ՕՐ՝ ՆՎԻՐՎԱԾ ԵՂԵՌՆԱԶԱՐԿ ՄՏԱՎՈՐԱԿԱՆՆԵՐԻ ՀԻՇԱՏԱԿԻՆ ԱՐՃԻՍԻ ՄԻՋՆ. ԴՊՐՈՑՈՒՄ
Մարտի 31-ին Տավուշի մարզի Արճիսի միջնակարգ դպրոցում հիշատակի օր էր՝ նվիրված եղեռնազարկ հայ մտավորականներին: Առաջին մասում աշակերտները ներկայացրին նրանց մասին, ասմունքեցին, հնչեցին Արթուր Մեսչյանի երգերից:
Երկրորդ մասը մրցույթ էր երեք թիմերի միջև , որոնք կրում էին Դ. Վարուժան,Սիամանթո և Գր. Զոհրապ անունները: Հարցերը մտավորականների կյանքի,ստեղծագործությունների և Հայոց եղեռնի շուրջ…
ՄԻՋՈՑԱՌՈՒՄ ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆ 100-ԱՄՅԱԿԻՆ ՄՅԱՍՆԻԿՅԱՆԻ ԱՐԱՅԻ ԱՆՎ. ՄԻՋՆԱԿԱՐԳ ԴՊՐՈՑՈՒՄ
«Դպրոց կենտրոնների միություն» իրավաբանական անձանց միության առաջարկով Մյասնիկյանի Արայի անվան միջնակարգ դպրոցում գերմաներենով անցկացվեց միջոցառում՝ նվիրված Հայոց Ցեղասպանության 100-ամյակին:
