ԴԱՍ-ՄԻՋՈՑԱՌՈՒՄ ԳԱՎԱՌԻ N5 ՀԻՄՆ. ԴՊՐՈՑՈՒՄ
Գավառի N5 հիմնական դպրոցի 9-րդ դասարանը հայոց պատմության ուսուցչուհի Հռիփսիմե Մովսիսյանի նախաձեռնությամբ կազմակերպեց դաս-միջոցառում՝ «Լեռնային Ղարաբաղ» թեմայով, որին մասնակցում էր նաև Արցախյան պատերազմի մասնակից Հովհաննես Ղաջոյանը:
Դաս-միջոցառումը կազմակերպվել էր խմբային հետազոտության մեթոդով:
Կազմավորվել էին խմբեր՝ «Աշխարհագրագետներ», «Պատմաբաններ», «Տնտեսագետներ», և «Հնագետ-ճարտարապետներ» անուններով:
Գրադարանավարուհի Շուշան Հասասյանի օգնությամբ աշակերտները ձեռք էին բերել անհրաժեշտ բոլոր նյութերը:
Խմբերը ներկայացրին Լեռնային Ղարաբաղի ամբողջ պատմությունը, պատմամշակութային հուշարձանները, ժողովրդի ազատագրական պայքարը և ղարաբաղյան պատերազմի հերոսներին: Աշակերտները խոսեցին նաև Ղարաբաղի քաջորդիների՝ մարշալներ Հովհաննես Բաղրամյանի, Համազասպ Բաբաջանյանի, Արմենակ Խամփերյանցի և կրկնակի հերոս Նելսոն Ստեփանյանի մասին:
Դասն ամփոփվեց «Պատմական հիշողության օղակներ» մեթոդով:
