Գարնան զարթոնքին էր նվիրված Գավառի N5 հիմնական դպրոցում անցկացվող համադպրոցական միջոցառումը: Միջոցառմանը մասնակցում էին I-IX դասարանների աշակերտները:
Առաջին դասարանցիները ներկայացրին գարնանային ծաղիկները, գարնանամուտը, երրորդ դասարանցիները ձնծաղիկի հագուստով ավետեցին գարունը, շնորհավորեցին բոլորին և գեղեցիկ երգով ավարտեցին: Հինգերորդ դասարանի աշակերտները գեղեցիկ ասմունքով հիացրին բոլորին:
Գարնան ավետաբեր թռչունին՝ արագիլին, նվիրված ասմունքով ու երգով հանդես եկան վեցերորդ դասարանցիները:
_Գարունն ու մայրը միշտ համադրված են, և երիցս օրհնյալ լինի նրանց համադրությունը,- այս էր յոթերորդ դասարանցիների հիմնական միտքը: Նրանք իրենց ելույթն ավարտեցին մայրիկներին նվիրված գեղեցիկ երգով:
_Այս գարունը հայ ժողովրդի համար հերոսանալու և իր ուժն ու միասնությունը ապացուցելու գարուն է,- ելույթ ունեցան իններորդ դասարանցիները և ավարտեցին հայրենասիրական երգով:
Միջոցառումն ավարտվեց ութերորդ դասարանի տղաների դհոլների հաղթական «Արցախ» երաժշտությամբ: