Ավանդույթի համաձայն, կրկին լեփ-լեցուն էր Սուրենավանի միջնակարգ դպրոցի բակը:Նորից հնչեց նոր ուսումնական տարվա առաջին ղողանջները:Սկզբում ելույթ ունեցավ դպրոցի տնօրեն Վ.Ավետիսյանը՝ ներկայացնելով հաջողություններ ունեցած աշակերտներին անուն առ անուն:Յուրաքանչյուրին ներկաները ջերմ ու սրտագին ծափողջույններով էին դիմավորում:Դպրոցի տնօրենը ներկայացրեց նաև նոր ուսումնական տարվա խնդիրներն ու անելիքները:Այնուհետև իր շնորհավորական մաղթանքով հանդես եկավ դպրոցի կազմակերպիչ Լ.Սաիլյանը: Առանձնահատուկ ուշադրության էր արժանի տասներկուերորդ դասարանի և առաջին դասարանի աշակերտների մուտքը դպրոց, ովքեր ձեռք ձեռքի տված ու ջերմագին խոսքերով ողջունեցին ներկաներին՝ ազդարարերով նոր ուսումնական տարվա սկիզբը:Կարևոր էր նաև տարրական և միջին դասարանների աշակերտների երգն ու պարը,ինչպես նաև արտասանած բանաստեղծությունները: Շնորհավորում ենք բոլորին: Նոր ուսումնական տարին թող լինի առավել հագեցած և արդյունավետ, քանզի որակյալ կրթությունը մեր ժողովրդի կյանքում միշտ է եղել և կլինի առաջնային ու կարևոր: