«ԱԶԳԱՅԻՆ ՀՊԱՐՏՈՒԹՅՈՒՆ» ԹԵՄԱՅՈՎ ԴԱՍ ԱՐՏԱՇԱՏ ՔԱՂԱՔԻ ՀՈՎՀ. ԹՈՒՄԱՆՅԱՆԻ ԱՆՎ. Հ. 2 ՀԻՄՆ. ԴՊՐՈՑՈՒՄ
Սույն թվականի մայիսի 19-ին Արտաշատ քաղաքի Հովհ.Թումանյանի անվ. թիվ 2 հիմն դպրոցի 8-րդ դասարանում կազմակերպվել էր բաց դաս «Ազգային հպարտություն» թեմայով: Դասը ընթացավ 2 փուլով` սկսվեց հարց ու պատասխանով, ավարտվեց երգ ու պարով:
Աշակերտներին հյուրընկալվել էր դպրոցի լավագույն ուսուցչուհի (թոշակառու) Լ. Սիմոնյանը: Հնչեցին բազմաթիվ հարցադրումներ. թե ինչպես է պատկերացնում լինել հպարտ, զգալ հպարտության բերկրանքը: Դասի ընթացքում կատարվեց քարտային աշխատանք: Յուրաքանչյուր խումբ ներկայացրեց իր հպարտ լինելու գաղափարը: Դասը ավարտվեց երգով ու պարով: Ելույթ ունեցան դպրոցի երգչախմբի և պարի համույթի սաները: Հնչեցին ազգային ազատագրական երգեր:
Դասը ուսանելի էր, ուներ դաստիարակչական մեծ ներուժ:
© 2013-2014, Դպրոց կենտրոնների միություն