ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոսի օրհնությամբ և ՀՀ Ոստիկանության նախաձեռնած «Անչափահասը և հանցագործությունը» ծրագրի շրջանակներում մեր դպրոցում ևս կայացավ հանդիպում:
Սուրբ Հովհաննես եկեղեցու հոգևոր հովիվ տեր Վահանը անդրադարձավ ամուր պետություն, ընտանիք և կայուն հասարակություն ունենալու համար Հայ Առաքելական Սուրբ Եկեղեցուն հավատարիմ մնալու կարևորությանը: Հորդորեց աշակերտներին ուշադիր լինել զանազան գայթակղություններից և հոգևորսությունից, որոնք ընկած են աղանդավորության հիմքում: Կոչ արեց բոլորին հավատարիմ մնալ չորս սրբություններին՝պետականությանը, հայրենիքին,ազգին և եկեղեցուն:
Աշակերտների հետ թմրամոլության, հարբեցողության և մի շարք այլ վնասակար սովորությունների մասին խոսեցին Ոստիկանության Կենտրոնական բաժնի անչափահասների գործերով բաժնի պետ փոխգնդապետ Էդուարդ Ավագյանը և պետի տեղակալ փոխգնդախպետ Արկադյա Գևորգյանը:
Ծրագիրը նպատակ ունի կանխարգելիչ քայլեր ձեռնարկել աղանդավորության, փողոցային բարքերի ու բացասական հոգեբանական ազդեցություն ունեցող տարբեր սոցիալական խմբերի մեջ պատանիների ներգրավումը կանխելու համար: