Ս/թ մայիսի 6-ին Երևանի Վ.Թեքեյանի անվան թիվ 92 հիմնական դպրոցի դահլիճում տեղի ունեցավ տոնական ցերեկույթ՝ Հաղթանակի և խաղաղության տոնի՝ Մայիսի 9-ի առթիվ: Միջոցառումը կազմակերպվել էր lll ա դասարանում դասվար Գ. Բաղդասարյանը: 
Միջոցառմանը ներկա էին ԿԱԻ նախադպրոցական և տարրական կրթության բաժնի վարիչ,«Նախաշավիղ» գիտամեթոդական հանդեսի գլխավոր խմբագիր Կարինե Թորոսյանը, դպրոցի տնօրեն Ծովինար Մարդանյանը, զոհված ազատամարտիկ Արարատ Էլբակյանի մայրը, վաստակավոր դասվար Մ. Հեյբաթյանը, մանկավարժներ,ծնողներ, աշակերտներ: Հանդիսականները սիրով ու ոգևորությամբ ընդունեցին փոքրիկների սրտաբուխ ասմունքը, երգն ու պարը: 
Ցերեկույթի վերջում աշակերտներին ողջունեցին Կ. Թորոսյանը դասվար, Ռ.Գալստյանը, դասարանի ղեկավար Գ.Բաղդասարյանը, ծնողական խորհրդի նախագահ Լ.Նահապետյանը: Ելույթը ունեցողները գոհունակության խոսքեր հնչեցրեցին և շհնորհակալություն հայտնեցին միջոցառման բոլոր մասնակիցներին և կազմակերպիչներին:
Եզրափակիչ խոսքով հանդես եկավ դպրոցի տնօրեն Ծ. Մարդանյանը: Շհնորհավորելով բոլոր ներկաներին գալիք մեծ եռատոնի առթիվ՝ նա նշեց, որ նման միջոցառումները շատ կարևոր են և մեծապես նպաստում են մատաղ սերնդի ռազմահայրենասիրական դաստիարակության հույժ արդիական և ազգանպաստ գործին: