Լ. Միրիջանյանի անվան հ 155 հիմնական դպրոցում իրականացված «Հայոց ցեղասպանության 100 –րդ տարելիցին նվիրված» միջոցառումները համալրվեց ևս մեկով, որը նվիրված է հայ նահատակ մեծանուն գրողներին: Ովքեր ի թիվս մեկուկես միլիոն անմեղ զոհերի սրբադասվեցին: Այս մեծագույն երազանքը փայփայել էր նաև գրող հրապարակախոս Լ. Միրիջանյանը: Նա դեռ տարիներ առաջ բարձրաձայնել էր . 
«Կխնդրեի մեր 2 վեհափառներին՝ Ամենայն Հայոց Կաթողիկոս Նորին Սրբություն Գարեգին 2-րդին և Մեծի տանն Կիլիկիո կաթողիկոս Նորին Սուրբ Օծություն Արամ 1-ին: Վաղուց -վաղուց ժամանակն է որպեսզի Կոմիտասը՝ մեր համազգային սրբություններից մեկը, պաշտոնական արարողությամբ դասվի Հայ Եկեղեցու սրբերի շարքը: Նա առանց այդ էլ սուրբ է բայց պաշտոնական սրբացումը բնականաբար ուրիշ հասկացողություն է: Ինչո՞ւ ենք հապաղում» 
Աստծո օրհնությամբ Միրիջանյանի ցանկությունը այս տարի դարձավ իրականություն: 
Ամեն օր մեր մանուկների շուրթերին թրթռում է Մամփրեի այբուբենը, ելևէջում է Կոմիտասյան «Կռունկը», Վարուժանի՝ մոմե շուրթերով, պայքարի կոչ է հնչեցվում խրամատներում...
Մաշտոցյան կոչը «Ճանաչել զիմաստություն և զխրատ. իմանալ զբանս հանճարոյ» միշտ մեր սրտերում և մեր մտքում է: Այս օրվա միջոցառումը դրա լավագույն արտահայտումն է: