ՀՀ Արագածոտնի մարզի Արտենիի թիվ 1 միջնակարգ դպրոցում տեղի ունեցավ «Հրաժեշտ այբբենարանին» միջոցառումը : 1-ին դասարանի դասվար Լ. Սարգսյանը ողջունեց ներկաներին , շնորհակալություն հայտնեց ծնողներին իրեն մշտապես աջակցելու համար և հայտարարեց միջոցառման սկիզբը , որի մուտքն ազդարարվեց մեղմահնչյուն երաժշտությամբ :Աշակերտները իրենց կրծքին կրում էին եռագույն ժապավեններով զարդարված հայոց այբուբենի տառերը : Միջոցառումն սկսվեց երգով ու բանասեղծությամբ ` նվիրված հայերենի առաջին ուսուցիչ Մ. Մաշտոցին , հայոց տառերին և Հայաստանին: Առաջին դասարանի աշակերտները բեմադրեցին «Լեզու ,որ հասկանալի է բոլորին» հեքիաթը: Այնուհետև առաջին դասարանցիներին ողջունեցին 5-րդ դասարանի աշակերտները իրենց գեղեցիկ պարով: Դպրոցի տնօրեն Մ. Շատոյանը 1-ին դասարանցիներին շնորհավորեց գրաճանաչ դառնալու , հայոց տառերով գրելու և կարդալու համար ,մաղթեց երջանիկ ու լուսավոր մանկություն , շնորհակալություն հայտնեց ծնողներին դպրոցի կրթադաստիարակչական գործին աջակցելու համար : Տնօրենը շնորհակալություն հայտնեց Լ. Սարգսյանին մանկավարժական անբասիր , բովանդակալից և արդյունավետ աշխատանքի համար :