ԴԱՍՂԵԿԻ ԲԱՑ ԴԱՍ ԿԱՐԲԻԻ Վ. ԹԵՔԵՅԱՆԻ ԱՆՎ. ՄԻՋՆ. ԴՊՐՈՑՈՒՄ
Դասղեկի բաց դաս ՀՀ Արագածոտն մարզի Կարբիի Վ. Թեքեյանի անվան միջնակարգ դպրոցում
2015թվականի նոյեմբերի 26-ին Կարբիի Վ. Թեքեյանի անվան միջնակարգ դպրոցի IX -Բ դասարանում տեղի ունեցավ դասղեկի բաց դաս, թեման՝ «Տերյանական աշուն»: Բաց դասը կազմակերպել էին IX -Բ դասարանի աշակերտները և դասղեկ Լ. Մելքոնյանը:
Դասարանը աշնանային տեսք էր ստացել, փակցրված էր պատի թերթ՝ ձևավորված Վ. Տերյանի բանաստեղծություններով և աշնան գունագեղ տերևներով:
Ինֆորմատիկայի ուսուցչուհի Վ. Հովհաննիսյանի օգնությամբ ցուցադրվեցին աշնանային գեղեցիկ տեսարաններ, մի քանի տեսահոլովակներ: Աշակերտները ասմունքի միջոցով ներկայացրեցին Վ. Տերյանի թախծոտ աշնան վերաբերյալ բանաստեղծություններ, ընթերցվեցին «Ոսկեզօծ աշուն», «Տերևաթափ», «Աշնան մեղեդի», «Աշնան արև» և այլ վերնագրերով շարադրություններ:
Միջոցառմանը ներկա էին դպրոցի փոխտնօրեներ Լ. Հովհաննիսյանը, Ս. Հակոբյանը և ուսուցիչներ: Նրանք մեծ բավականություն ստացան, շնորհակալություն հայտնեցին աշակերտներին և գովեստի խոսքեր ասացին գեղեցիկ ասմունքի համար:
