2016թվականի փետրվարի 12-ին ՀՀ Արագածոտնի մարզի Աշտարակ քաղաքի Ն. Աշտարակեցու անվան հ. 1 հիմնական դպրոցի ճեմասրահում տեղի ունեցավ «Հայոց ազգային խորհրդանիշներ»-ին նվիրված ցուցահանդեսի բացման հանդիսավոր արարաողությունը: Բացմանը ներկա էին ծնողներ, ուսուցիչներ և 8-րդ դասարանների աշակերտները:
8-րդ դասարանցիները ցուցահանդեսին ներկայացրել էին 17 աշխատանքներ:
Ստեղծագործողները հետաքրքիր լուծումներով էին հանդես եկել՝ ազգային խորհրդանիշներն օգտագործելով հայ ժողովրդի անցյալն ու ներկան յուրովի համատեղելով. անցյալը՝ տառապանքով, նաև հպարտությամբ, ներկան՝ պայծառ հավատով ու լավատեսությամբ:
Լավագույն աշխատանքների հեղինակները ներկայացրեցին իրենց մտահաղացումները: Հետաքրքիր էր <<Քոչարի>> պարը եռագույնով ներկայացնելը, դրոշի կարմիր գույնը այբուբենի տառերով սիմվոլացնելը, կապույտ գույնը Արարատով ներկայացնելն ու նրանից հոսող ջուրը կոտրված կժով հավաքելը, ծիրանագույնը՝ ծիրանով լի կողովով փոխարինելը: 
Դպրոցի ուսուցիչներն ու աշակերտները կընտրեն լավագույն աշխատանքը և կներկայացնեն հաջորդ փուլին:

ՀՀ Արագածոտնի մարզի Աշտարակ 
քաղաքի Ն. Աշտարակեցու անվան հմ1 
հիմնական դպրոցի կազմակերպչական
հանձնախ