Հայկական ազգային տոներից մեկի՝ Տյառնընդառաջի պատմությանը, գլխավոր ծիսակարգերին, կերակրատեսակներին ու խորհրդանիշերին մեր երեխաները ծանոթանում են և′ ընտանիքում, և′ դպրոցում: Հ. 174 հիմնական դպրոցի հինգերորդ դասարանի աշակերտները մեծ ոգեշնչմամբ ներկայացրեցին Տեառնընդառաջի ողջ ծիսակարգը: Ամենայն մանրամասնությամբ փոխանցեցին տոնի հոգևոր խորհուրդը, որն է`Տիրոջն ընդառաջ գնալը,պատմեցին խարույկ վառելու ծեսի, դրա խորհրդանշական դերի , տոնական ծառի ու այլ ավանդույթների մասին:
Իսկ ի՜նչ տոն առանց ազգային երգ ու պարի:
Հայկական դհոլ-զուռնայի հնչյունների ներքո պարեցին աշակերտներն իրենց դասղեկների հետ միասին, որոնք այս դեպքում ոչ միայն միջոցառման կազմակերպիչներ էին, այլև` ակտիվ մասնակիցներ : Իսկ տոնական սեղանների ձևավորումն ավանդական ուտեստներով ապահովեցին ծնողները, որոնք դպրոցական բազմաթիվ միջոցառումների նախաձեռնողներ լինելով , ամեն կերպ աջակցում են դրանց իրականացմանը: