2014-2015թթ.
- 2014-2015թթ.-Հանրակրթական դպրոցների համար ներդպրոցական վերահսկողության պլանավորման և իրականացման համալիր փաթեթի մշակում.
Ուսումնամեթոդական նյութերի փաթեթն ուղղված էր հանրակրթական ուսումնական ծրագրեր իրականացնող բոլոր տիպի դպրոցներում չափորոշչային պահանջների, ուսումնական պլանի, առարկայական ծրագրերի և դպրոցի ուսումնադաստիարակչական աշխատանքների տարեկան պլանի կատարողականի որակի, կառավարման և ղեկավարման արդյունավետության ու թափանցիկության բարձրացմանը:
- 2014-2015թթ.-«Դպրոցում սովորողների գիտելիքների, կարողությունների և հմտությունների գնահատում ըստ չափորոշիչների» ուղեցույցի մշակում.
Ուղեցույցի ստեղծման նպատակն էր ուսուցիչներին ներկայացնել ուսուցանող և թվանշանային գնահատման մեթոդներ և հնարներ, աշակերտների գիտելիքների, կարողությունների և հմտությունների վիճակի վերլուծության մոդելներ` ըստ ուսուցման ժամանակահատվածների:
- 2015թ. Ամերիկայի մաթեմատիկական ասոցիացիայի հետ համատեղ կազմակերպվել է միջազգային մաթեմատիկական մրցույթ Հայաստանում տարբեր դպրոցների 14 տարին լրացած 8-9-րդ 30 աշակերտների համար:
- 2015թ. «Սոցիալական մեդիա և թվային գործիքների կիրառումը ուսումնական գործընթացում» միջազգային ծրագրի ներդրումը ՀՀ դպրոցներում, որին ըդգրկվեցին հետաքրքրվածության հայտ ներկայացրած հիմնական և ավագ դպրոցների 30 ուսուցիչ՝ ինֆորմատիկայի և անգլերեն լեզվի մասնագետներ:
Ծրագրի շրջանակներում կազմակերպվեց մեկամսյա օնլայն վերապատրաստման դասընթաց, որը վարում էին արդեն միջազգային դասընթացին մասնակցած և վերապատրաստում անցած դասընթացավարները:
Ծրագրի արդյունքում ուսուցիչները հնարավորություն ստացան՝
- զարգացնել իրենց կարողություններն ու հմտություները առօրյա աշխատանքում սոցիալական մեդիա գործիքների արդյունավետ կիրառման վերաբերյալ,
- ինտերակտիվ միջավայրում ցանցային համագործակցության միջոցով համագործակցել, շփվել, կիսվել տեղեկատվությամբ և մասնակցել տարբեր ցանցային ծրագրերին,
- զարգացնել հեռահար ուսուցման նորարար և ստեղծագործական մոտեցումների կիրառման հմտությունները ուսումնական գործընթացում,
- հարստացնել գիտելիքների պաշարն ու ձեռք բերել հմտություններ պլանավորման և դասավանդման գործընթացներում կիրառելու սոցիալական և թվային գործիքների հնարավորությունները,
- կազմակերպել ուսումնական արդյունավետ գործընթաց ամպային տեխնոլոգիաների միջոցով,
- ինքնուրույն ստեղծել էլեկտրոնային կրթական ռեսուրսներ և տեղադրել սոցիալական ցանցերում:
