ՀԱՅՏԱՐԱՐՈՒԹՅՈՒՆ

«Դպրոց-կենտրոնների միություն» իրավաբանական անձանց միությունը «Կրթություն առանց սահմանի» հասարակական կազմակերպության  /ԿԱՍ ՀԿ/ հետ համատեղ Հայաստանի Հանրապետության Մշակույթի նախարարության աջակցությամբ իրականացնում է  «Ազգային հպարտություն» խորագրով ծրագիրը, որի շրջանակներում հայտարարում է «Ազգային հպարտություն» խորագրով  պաստառների մրցույթ ՀՀ դպրոցներում, որի շրջանակներում կազմակերպում է սեմինար 8-րդ դասարանի դասղեկների համար: Յուրաքանչյուր դպրոցից սեմինարին կարող է մասնակցել 8-րդ դասարանի մեկ դասղեկ: Սեմինարը տեղի կունենա մայիսի 13-ին ժամը 12:30-ին Երևանի Բ. Ժամկոչյանի անվան 119 ավագ դպրոցում (հասցե՝ Տիգրան Մեծի 64):

      «Ազգային հպարտություն»  պաստառների մրցույթի նպատակն է  նպաստել դեռահասների /8-րդ դասարանի աշակերտների/ շրջանում ազգային արժեհամակարգի զարգացմանն ու հայրենասիրական ոգու դաստիարակությանը, հայոց մշակութային ժառանգության արժեվորմանն ու պահպանմանը:

      Մրցույթին կարող են մասնակցել ՀՀ բոլոր դպրոցների 8-րդ դասարանի անհատ աշակերտներ, աշակերտական առանձին խմբեր, դասարաններ, որոնք պետք է պատրաստեն A 2 ֆորմատի պաստառներ (420X594)` ուղղված ազգային հպարտության խթանմանը:

Պաստառներում կարող են ներկայացվել`

• նկարներ, պատկերներ, ֆոտոնկարներ, ազգային խորհրդանիշեր, կարգախոսներ, տարբեր նկարներից կազմված խճանկարներ` օգտվելով տեղեկատվական տեխնոլոգիաներից, օգտագործելով տարբեր համակարգչային ծրագրեր կամ ՏՀՏ գործիքներ/,
• ձեռքի աշխատանքներ կամ ձեռքով նկարած նկարներ, որոնք պետք է լուսանկարվեն ինտերնետում տեղադրելու համար: 

          Յուրաքանչյուր մարզից մրցույթում հաղթող կճանաչվի I, II, III տեղերը զբաղեցրած 3 պաստառներ , որոնք կստանան արժեքավոր մրցանակներ:

          Զգուշացում՝ մրցույթին ներկայացրած այն նկարները կամ պաստառները, որոնք պատրաստի վերցված կլինեն ինտերնետից, չեն մասնակցի մրցույթին: