ՀԱՅՏԱՐԱՐՈՒԹՅՈՒՆ

«Դպրոց-կենտրոնների միություն» իրավաբանական անձանց միությունը ս/թ օգոստոսի 22-24-ը ք. Ծաղկաձորի «Գրողների ստեղծագործական տուն» հյուրանոցային համալիրում կազմակերպում է եռօրյա դասընթաց դպրոցի տնօրենի ուսումնական գծով տեղակալների համար` «Չափորոշչի պահանջների կատարման գնահատումը` հիմնվելով սովորողների գիտելիքների թվանշանային գնահատման արդյունքների վրա» թեմայով :

Դասընթացի ընթացքում նախատեսվում է մասնակիցներին ներկայացնել .

• թեմատիկ պլան կազմելու մոդել՝ հաշվի առնելով չափորոշչային պահանջները,
• դասի պլան կազմելու մոդել՝ հաշվի առնելով չափորոշչային պահանջները,
• չափորոշչի պահանջի կատարման գնահատման մոդել՝ ըստ աշակերտին նշանակված գնահատականների,
• թեմատիկ գրավոր աշխատանքի կապը չափորոշչային պահանջների հետ,
• ուսուցիչների կողմից չափորոշչի պահանջների կատարման գնահատման մեխանիզմներ և այլն..:

Դասընթացի թեմայի ընտրությունը հիմնված է դպրոցի մանկավարժական համակազմի մասնագիտական կարիքների վրա, որոնք վեր են հանվել  «Դպրոց-կենտրոնների միություն» ԻԱՄ-ի կողմից կազմակերպված բազմաթիվ քննարկումների, հանդիպումների արդյունքում:

Ձեր դպրոցից դասընթացին կարող է մասնակցել տնօրենի ուսումնական գծով տեղակալը կամ որևէ առարկայախմբի մեթոդմիավորման նախագահը:

Հարցերի դեպքում կարող եք  զանգահարել «Դպրոց-կենտրոնների միություն»  իրավաբանական անձանց միության գրասենյակ հետևյալ հետախոսհամարով` 010 553004: