ՄՐՑՈՒԹԱՅԻՆ ԴԱՍ-ՄԻՋՈՑԱՌՈՒՄ՝ Մ. ԳՈՐԿՈՒ ԱՆՎ. Հ. 5 ԱՎԱԳ ԴՊՐՈՑՈՒՄ
Ամեն տարի ապրիլի 22-ին Մ. Գորկու անվան հ. 5 ավագ դպրոցում նշվում է Ավոգադրոյի օրը` ինտեգրված մրցութային դաս-միջոցառման միջոցով: Ամեն անգամ մեր բնագիտական մասնախումբը նորովի է զարմացնում մեզ, նոր «համուհոտ» տալիս առարկաներին: Թվում է, թե քիմիան առանձին առարկա է և ոչ մի կապ չի կարող ունենալ այնպիսի առարկաների հետ, ինչպիսիք են գրականությունը, պատմությունը, աշխարհագրությունը ... Սակայն մեր սիրելի ուսուցիչները կրկին ու կրկին, մեծացնելով առարկայի սահմանները, ապացուցում են, որ քիմիան սահմաններ չունի: Ավոգադրոյի հաստատունից մինչև Սերո Խանզադյան, երկաթից մինչ և սեր, մետաղներից մինչև պատերազմներ, արծաթից մինչև առողջություն...
Շնորհավորում ենք «Երկաթ» թիմին հաղթանակի, և մյուս խմբերին լավագույն մասնակցության համար, ինչպես նաև երկրպագուների խմբի ավագ Ալեքին` երկրպագուներից ամենաբարձր միավորներ հավաքելու համար:
Շնորհակալություն ենք հայտնում մեր սիրելիու սուցիչներ Զեփյուռ Կարապետյանին, Լուսինե Ղուկասյանին, Մարգարիտա Մանուկովնային, Գայանե Մարտիրոսյանին, ուսուցողական և բազմաբովանդակ միջոցառումը կազմակերպելու և իրականացնելու համար:
