Արդեն երկու օր է, դպրոցի սպասասրահում դրված հայտարարությունը գրավում է բոլորի ուշադրությունը: Այն բոլորին հրավիրում է միջոցառման I բ դասարանի աշակերտների մասնակցությամբ: Այսօր դպրոցի դահլիճը լցվեց նրանց զիլ ու կարկաչուն ձայներով: Մինչ միջոցառման սկիզբը երկու փոքրիկ հրաշք լրագրողները հարցազրույց վերցրեցին դպրոցի տնօրեն Նաիրա Դանիելյանից, ստացան իրենց հուզող հարցերի պատասխաններն ու հրավիրեցին նրան իրենց միջոցառմանը:
Միջոցառումը սկսվեց ուրախ պարով , շարունակվեց երեխաների հումորային բանավեճով այն մասին , թե ում տատիկն է ավելի լավը:Երեխաներն իրենց տատիկներին համեմատեցին հանրագիտարանների հետ, որոնցից կարելի է ստանալ բոլոր հարցերի պատասխանները: Հնչեցին նաև բարոյախրատական կարծիքներ այն մասին, թե ինչպիսին պետք է լինի վերաբերմունքը մեծերի հանդեպ , ինչ դեր ունի հայ տատիկը՝ կենցաղից մինչև երեխաների դաստիարակությանն առնչվող հարցերում: 
Միջոցառումն համեմված էր ուրախ ու կատակային երգերով, պարերով: Պարեցին անգամ տատիկները, իսկ թոռնիկները նրանց նվիրեցին բացիկներ, որտեղ գրված էին գովեստի գեղեցիկ խոսքեր: