ԾԱՂԿԱԶԱՐԴԸ ԱԲՈՎՅԱՆԻ Հ. 2 ՀԻՄՆ. ԴՊՐՈՑՈՒՄ
Հայ եկեղեցին Սուրբ Հարության նախորդող կիրակի նշում է Ծաղկազարդը,որը Քրիստոսի հաղթականորեն Երուսաղեմ մտնելու հիշատակն է: Ծաղկազարդը հռչակվել է մանուկների օրհնության օր:
Ծառզարդարը ժողովրդական տոն է,որը տոնվում է Ծաղկազարդի շրջանակներում:
Աբովյան քաղաքի թիվ 2 հիմնական դպրոցի 6 բ դասարանի աշակերտները ՀԵՊ-ի ուսուցչուհի Լ. Հայրապետյանի գլխավորությամբ կազմակերպել էին գեղեցիկ ցերեկույթ՝ նվիրված Ծառզարդարի տոնին: Աշակերտները փնտրել էին տոնին նվիրված երգեր ու բանաստեղծություններ,պատրաստել էին տոնին բնորոշ խուճկուրուրուկ տիկնիկներ, գլխանոցներ և ծառից կախելու զարդեր:
Միջոցառումը համեմված էր ազգային երգ ու պարով:Այնքան ոգևորիչ ու աշխույժ էր մթնոլորտը, որ հանդիսատես աշակերտները վերջում միացան շուրջպարին և տպավորությունն այնպիսին էր,կարծես ողջ դպրոցն էր պարում:
