ՄԻՋՈՑԱՌՈՒՄ ԱԲՈՎՅԱՆԻ Հ. 2 ՀԻՄՆ. ԴՊՐՈՑՈՒՄ
Մարտի 22-ին Աբովյան քաղաքի թիվ 2 հիմնական դպրոցի 2ե դասարանում կայացավ բաց դաս մայրենիից՝ «Երկու ջրիկ, երկու քույրիկ» թեմայով, որը համընկել էր ջրի համաշխարհային օրվա հետ: Դասի նպատակն էր երեխաների մեջ զարգացնել ընթերցողական կարողությունները, կարևորել ջրի նշանակությունը մարդու կյանքում, տեղեկություններ տալ ջրի և նրա հատկությունների մասին:
Աշակերտները բեմականացրին առակ ջրի մասին և խմբային աշխատանքի միջոցով ամբողջացնելով ասացվածքները, արտահայտեցին դասի հիմնական միտքը:
Աշակերտները տարբերակեցին ջրի տեսակները, ականատես եղան, թե ինչպես է ջուրը փոխակերպվում մի վիճակից մյուսի: Կշռադատման փուլում աշակերտների օգնությամբ կազմվեց «Ջրի համաշխարհային օր» պաստառը:
© 2013-2014, Դպրոց կենտրոնների միություն