«Դպրոց-կենտրոնների միություն» իրավաբանական անձանց միությունը Ձեռնարկությունների ինկուբատոր հիմնադրամի, ՀՀ Էկոնոմիկայի նախարարության և Համաշխարհային Բանկի աջակցությամբ, իրականացնում է «Նորագույն տեխնոլոգիաների օգտագործումն ինժեներական մասնագիտացումներում» խորագրով պաստառների մրցույթ ՀՀ դպրոցներում: Ծրագիրը դպրոց-կենտրոններին ներկայացնելու նպատակով մարտի 31-ին Երևանի Բ. Ժամկոչյանի անվան հ. 119 ավագ դպրոցում կազմակեպվեց սեմինար 110 դպրոց-կենտրոնների ինֆորմատիկայի ուսուցիչների համար:
Հանդիպման ընթացքում բացման խոսքով ելույթ ունեցան ԱԺ պատգամավոր, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը, Երևանի քաղաքապետարանի կրթության վարչության պետ Գայանե Սողոմոնյանը և ՀՀ ԿԳՆ հանրակրթության վարչության պետ Նարինե Հովհաննիսյանը:
Սեմինարը վարում էր ծրագրի փորձագետ Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը, ով մասնակիցներին մանրամասն ներկայացրեց ծրագրի բնույթը, քննարկվեցին ծրագրի շրջանակներում հետագա անելիքները: