Մայիսի 8-ին, ժամը 1500-ին, Արմավիրի մարզի «Գայի միջնակարգ դպրոց» ՊՈԱԿ-ի ողջ ուսուցչական կոլեկտիվը, աշակերտները, ինչպես նաև գյուղապետարանի աշխատակազմը, ազատամարտիկներ և Գայ համայնքի բնակիչները մասնակցեցին Հայրենական մեծ պատերազմում տարած հաղթանակի և Շուշիի ազատագրմանը նվիրված միջոցառմանը: Միջոցառումը տեղի ունեցավ գյուղի կենտրոնում գտնվող 1941-1945 թթ-ին զոհված մարտիկներին նվիրված հուշարձանի մոտ: Միջոցառմանը մասնակցում  էր նաև «Սուրբ Նշան» եկեղեցու հոգևոր առաջնորդը:

Կազմակերպվեց երթ դեպի գյուղի կենտրոն:

Բարձր դասարանների աշակերտները զինվորական համազգեստով էին, շողշողում էին հայոց եռագույնը և ԽՍՀՄ-ի դրոշները:

Դպրոցի և գյուղապետարանի կողմից դրվեցին պսակներ:

Զեկուցումով հանդես եկավ 11-րդ դասարանի աշակերտուհի Լենա Ազիզյանը, որին հաջորդեց զինվորական խրոխտ երգ և երաժշտություն:

Շնորհակալական խոսքեր ասվեցին ազատամարտիկների կողմից, որտեղ նշվեց, որ մեր աշակերտներին լիովին կարելի է վստահել մեր հայրենիքի ապագան: