«Ընտանիքը հասարակության հիմքն է»
Բալզակ
Դպրոցում արդեն ավանդույթ է դարձել ուսումնական տարվա ընթացքում ունեցած հաջողություններն ու ձեռքբերումները ի մի բերել, ամփոփել տարվա վերջում: 
Պարգևատրման հանդիսավոր արարողությունը համընկավ Ընտանիքի միջազգային օրվան:
Կարևորելով ընտանիքների դերն ու նշանակությունը մեր հասարակության կայացման գործում և խրախուսելով դպրոց-ընտանիք սերտ համագործակցությունը` դպրոցի տնօրինությունը սահմանել էր մրցանակ, որ յուրաքանչյուր տարի տրվում է դպրոցում լավագույն ճանաչված ընտանիքին: Այս տարի դպրոցի <<Լավագույն ընտանիք >> ճանաչվեց Մարիամ և Սերգեյ Հակոբյանների ընտանիքը և արժանացավ պատվոգրի ու մրցանակի:
Տնօրինության կողմից պատվոգրի արժանացավ այս պահին մեր հայրենիքի սահմանները պահպանող քաջամարտիկ Անդրանիկ Ավետիսյանի մայր` Լենա Հովսեփյանը:
Ընտանիքի միջազգային օրվա առթիվ դպրոցում կազմակերպվեց շնորհավորական բացիկների ցուցահանդես, <<Հաղթանակները սկսվում են ընտանիքից>> խորագրով, որին, ինչպես միշտ, ակտիվորեն արձագանքեցին մեր ծնողները: Գնահատելով նրանց մասնակցությունը և հաշվի առնելով ինքնատիպ ստեղծագործական մոտեցումը` դպրոցի տնօրինությունը շնորհակալագրերով խրախուսեց մասնակից ծնողներին:
Դպրոցը ակտիվ համագործակցում է պետական և հասարակական բազմաթիվ կառույցների հետ: Կարևորելով այդ համագործակցությունը` դպրոցի տնօրենը շնորհավորեց կազմակերպությունների ներկայացուցիչներին` նրանց շնորհելով պատվոգրեր:
Տնօրենի կողմից խրախուսական պարգևներ ստացան նաև ուսուցիչներ` Ալլա Եսայանը, Գայանե Աբազյանը, Լիլիթ Բաբայանը, Լիլիթ Մելիքյանը և Դիանա Մովսիսյանը:
Ինչպես ամեն տարի, այս տարի ևս դպրոցի տնօրինությունը, գնահատելով աշակերտների ցուցաբերած բարձր արդյունքները առարկայական տարբեր օլիմպիադաներում, արժանացրեց նրանց պատվոգրերի և շնորհակալագրերի: