Մայիսի 19-ին Վ.Թեքեյանի անվան №92 հիմնական դպրոցի սաները մասնակցեցին №105 ավագ դպրոցի նախաձեռնությամբ կազմակերպված աշակերտական համաժողովին, որ կրում էր «Հայ կնոջ դերը հասարակության մեջ» խորագիրը: Համաժողովին մասնակցում էին Մալաթիա-Սեբաստիա համայնքի ութ դպրոցներ, որոնց ներկայացուցիչները և փորձագետ խմբերը ներկայացրին իրենց ընտրած ուղղությունների ուսումնասիրության արդյունքները:
Միջոցառումն ամփոփվեց բանավեճով, որին մասնակցում էին բոլոր ութ դպրոցներից ընտրված ներկայացուցիչներից կազմված խմբեր:
Միջոցառմանը ներկա էին ԿԳ փոխնախարար Մ.Մկրտչյանը, ԿԳ հանրակրթության վարչության պետ Ն.Հովհաննիսյանը, քաղաքապետարանի կրթության վարչության պետ Գ. Հովհաննիսյանը, ԱԺ պատգամավոր, ԴԿՄ միության նախագահ Ռ.Մուրադյանը, Մալաթիա-Սեբաստիա համայնքի ղեկավար Ա.Ալեքսանյանը, դպրոցի տնօրեններ:
Միջոցառումն ուներ ճանաչողական, ուսուցողական բնույթ. այն անցավ ջերմ համագործակցային մթնոլորտում: