2016թ. սեպտեմբերի 22-ին Ստեփանավանի Հովհաննես Թումանյանի անվան ավագ դպրոցում կազմակերպված միջոցառումը նվիրված էր ՀՀ անկախության 25-ամյակին:
‹‹Անկախ Հայաստանը 25 տարեկան է» խորագիրը կրող այս միջոցառումը դարձավ համադպրոցական տոն:
Միջոցառումը սկսվեց ՀՀ պետական օրհներգի կատարումով, այնուհետև ավագ դպրոցի աշակերտները ներկայացրին անկախության հաստատման գործընթացի վերաբերյալ տեղեկություններ, որոնք ընդմիջվում էին հայրենասիրական երգերի բարձրարվեստ կատարումով և ասմունքով:
Մանրամասն տեղեկություններ հաղորդվեցին ՀՀ Անկախության հռչակագրի, հանրաքվեի և միջազգային կառույցների կողմից ՀՀ Անկախության ճանաչման գործընթացի վերաբերյալ: Անդրադարձան նաև ԽՍՀՄ-ի փլուզման և ԱՊՀ երկրների ձևավորման ու զարգացման պատմությանը:
Միջոցառումն ավարտվեց գեղեցիկ պարային կատարումով՝ ‹‹Տարոնի պար»: Ողջույնի խոսքով հանդես եկավ դպրոցի տնօրեն Ս. Թունյանը և շնորհավորեց բոլոր մասնակիցներին, ներկաներին, հյուրերին անկախության օրվա առթիվ: