Մեր երկրի ամենակարևոր տոներից է Հայաստանի Անկախության օրը: Այս տարի համայն հայությունը նշեց մեր հանրապետության անկախության 25-ամյակը: 1991թ.-ի սեպտեմբերի 21-ին հայ հասարակությունն ընտրեց անկախությունը՝ հանրաքվեում իր վճռական ,,Այո,,-ն ասելով: Անկախության 25-ամյակին նվիրված միջոցառումներին անմասն չմնաց նաև Երևանի Վ.Տերյանի անվան թիվ 60 հիմնական դպրոցը: Դպրոցի տնօրեն տիկին Իսկանդարյանը շնորհավորական ուղերձ հղեց ներկաներին Անկախության տոնի առթիվ: Միջոցառմանը ներկա էին դպրոցի կողմից հրավիրված հյուրեր՝ ՊՆ նախարարի խորհրդական գեներալ-լեյտենանտ, պարոն Մուրազ Սարուխանի Սարգսյանը, Երևան քաղաքի ոստիկանության վարչության պետի օգնական Ս.Ամիրյանը, Էրեբունի համայնքի ոստիկանության վետերանների խորհրդի նախագահ Ա. Սարգսյանը, նախագահի տեղակալ Ջ. Գևորգյանը: Միջոցառման ավարտին մեկ րոպե լռությամբ հարգվեց ապրիլյան քառօրյա պատերազմում ընկածների հիշատակը: ՊՆ-ի կողմից Արիության մեդալով պարգևատրվեց դպրոցի ռազմագիտության ուսուցիչ գնդապետ Ն.Ավանեսյանը: Իսկ ՄԿԱ գծով փոխտնօրեն Ա.Գրիգորյանը, ՄԿԿ Մ.Հակոբյանը և Հայոց լեզվի և գրականության մ/մ նախագահ Մ.Սիմոնյանը պարգևատրվեցին պատվոգրերով: Հավերժ փառք մեր խիզախ զինվորներին: Կեցցե Հայաստանը: Փառք մեր ժողովրդին: