ԱՆԿԱԽՈՒԹՅԱՆ 25-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ ԿԱՊԱՆԻ Հ. 2 ԱՎԱԳ ԴՊՐՈՑՈՒՄ
Հայաստանի Հանրապետության անկախության 25-ամյակին նվիրված տոնական միջոցառմանը Կապանի N2 ավագ դպրոցը սեպտեմբերի 20-ին հյուրընկալել էր Լեռնային Ղարաբաղի Հանրապետության Հադրութի Միքայել Մանվելյանի անվան միջնակարգ դպրոցի աշակերտական և մանկավարժական կոլեկտիվի ներկայացուցիչներին: Երկու կրթօջախների սաները հանդես եկան մշակութային համարներով և իմաստավորեցին «Ես անկախությունն եմ» համադպրոցական միջոցառումը: Հյուրերը հյուրընկալվեցին դպրոցի աշակերտների և ուսուցիչների օջախներում: Սեպտեմբերի 21-ին նրանք մասնակցեցին համաքաղաքային միջոցառմանը, այցելեցին Կապանի պատմության թանգարան, Նժդեհի հուշահամալիր, եղան Վահանավանքում, ծաղկադրում կատարեցին Բաղաբուրջի հուշահամալիրում: Այսպես երկու դպրոցների միջև սկիզբ դրվեց ամուր բարեկամության և համագործակցության:
© 2013-2014, Դպրոց կենտրոնների միություն