Գավառի N5 հիմնական դպրոցում անցկացվեց միջոցառումների շարք` նվիրված ՀՀ անկախության 25-ամյակին:

Կազմակերպվեց ձեռքի աշխատանքների և նկարների ցուցահանդես, որին իրենց աշխատանքներն էին ներկայացրել I-IX դասարանների շնորհալի աշակերտները:

Անցկացվեց ցերեկույթ: Անկախության 25-ամյա պատմությունը համառոտ ներկայացրեց դպրոցի տնօրեն Ս. Արզաքանցյանը: Այնուհետև I-IX դասարանների աշակերտները կարդացին Հայաստանին նվիրված բանաստեղծություններ, կատարեցին հայրենասիրական երգեր: Իրենց լավագույն կատարումներով ներկաներին հիացրին 1-ին, 2-րդ, 4-րդ և 8-րդ դասարանների աշակերտները:

Անցկացվեց նաև սպորտլանդիա 8-րդ և 9-րդ դասարանների միջև, հաղթեց 8-րդ դասարանի թիմը: 5-րդ և 6-րդ դասարանների տղաների և աղջիկների թիմերը մրցեցին «Պարանի ձգում» խաղում, հաղթեցին 5-րդ դասարանի տղաների թիմը և 6-րդ դասարանի աղջիկների թիմը: Ազգային շարժախաղերում լավագույնը ճանաչվեց 8-րդ դասարանի թիմը:

Դպրոցի IV-IX դասարանների աշակերտները լավագույն ձևով մասնակցեցին նաև համաքաղաքային միջոցառմանը: