«Դպրոց-կենտրոնների միություն» իրավաբանական անձանց միությունը «Կրթություն առանց սահմանի» հասարակական կազմակերպության  /ԿԱՍ ՀԿ/ հետ համատեղ Հայաստանի Հանրապետության Մշակույթի նախարարության աջակցությամբ իրականացնում է  «Ազգային հպարտություն» խորագրով ծրագիրը, որի շրջանակներում հայտարարում է «Ես հպարտ եմ, որ..» խորագրով  պաստառների մրցույթ ՀՀ դպրոցներում:

       Մրցույթի շրջանակներում 2014 թ. մայիսի 13-ին Երևանի Բ. Ժամկոչյանի անվան հ. 119 ավագ դպրոցում տեղի ունեցավ սեմինար 8-րդ դասարանի դասղեկների համար:                Հանդիպման ընթացքում բացման խոսքով ելույթ ունեցավ  ԱԺ պատգամավոր, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը: Սեմինարը վարում էին ծրագրի փորձագետներ՝ Կարինե Հարությունյանը և Սիլվա Պետրոսյանը: Սեմինարին հրավիրված էր նաև ՀՀ մշակույթի նախարարության մշակութային ծրագրերի և մոնիթորինգի վարչության գլխավոր մասնագետ Նարինե Ռուշանյանը:

       Սեմինարի նպատակն էր  ՀՀ բոլոր մարզերի դպրոցների դասղեկներին ներկայացնել «Ազգային հպարտություն» խորագրով մրցույթի իրականացման ժամանակացույցը, ընթացակարգը, հայոց մշակութային ժառանգության արժևորմանն ու պահպանմանը, դեռահասների մոտ հայրենասիրական ոգու դաստիարակությանը, ազգային հպարտությանը նվիրված միասնական դաս-միջոցառման կազմակերպման պլանը: