ՄԻՋՈՑԱՌՈՒՄ ՄՅԱՍՆԻԿՅԱՆԻ ԱՐԱՅԻ ԱՆՎ. ՄԻՋՆ. ԴՊՐՈՑՈՒՄ
Մյասնիկյան Արայի անվան միջնակարգ դպրոցի 1-ին ա դասարանցիները հոկտեմբերի 19-ին մեծ ոգևորությամբ էին եկել դպրոց, իսկ առիթն առավել քան կարևոր էր՝ ծանոթություն մեսրոպյան այբուբենի առաջին տառի հետ: Օրվա անակնկալը «Ա» տառի «ծնունդն» էր: Երեխաները դասի ընթացքում արտասանեցին, երգեցին, «Ա» տառով բազմաթիվ բառեր թվարկեցին, հանելուկներ գուշակեցին, ներկայացում ցուցադրեցին: «Ա» տառի ուսուցման դասին ներկա էին դպրոցի տնօրինությունը, ուսուցիչները, ծնողները: Դասվար Ն. Պապոյանի շնորհիվ գիտելիքների խորհրդավոր աշխարհում «Ա» տառի մուտքը երեխաների և ներկաների համար իրոք վերածվեց հրաշալի տոնի: Երեխաների համար սա առաջին կատարած մեծ քայլն էր՝ հայոց գրերը ճանաչելու ու դրանով պարծենալու համար:
© 2013-2014, Դպրոց կենտրոնների միություն