Վանաձորի Մովսես Խորենացու անվան թիվ 17 ավագ դպրոցում 2016թ. հոկտեմբերի 20-ին կազմակերպվել էր «Բարին արա» ակցիա, որին մասնակցում էին դպրոցի 9-12-րդ դասարանների աշակերտները: Աշակերտները ներկայացրեցին հետևյալ ազգային խոհանոցները. 9-րդ դասարան՝ հայկական, 10-րդ դասարան՝ վրացական, 11-րդ դասարան՝ իտալական, 12-րդ դասարան՝ ռուսական: «Բարին արա» ակցիայի մասնակիցներն իրենց ներկայացրած ուտեստներով ու քաղցրավենիքներով հյուրասիրեցին ծնողներին, հյուրերին, զուգահեռ դասարանի աշակերտներին: Ակցիայի մասնակիցները ներկայացրեցին իրենց պատրաստած ուտեստների բաղադրատոմսերը, իսկ դպրոցի շնորհալի սաները միջոցառումը համեմեցին իրենց երգով, պարով, ասմունքով, ծիսական խաղերով: «Բարին արա» ակցիայի կազմակերպիչները հրավիրել էին հյուրեր հարակից դպրոցներից, իսկ Վանաձորի թիվ 16 հիմնական դպրոցի շնորհալի սաները հանդես եկան երաժշտական կատարմամբ: Միջոցառմանը հրավիրված էին նաև Տավրոս թաղամասի բնակիչներ: Տնօրենի կողմից «Տարբեր ազգերի խոհանոցներն ըստ պատշաճի ներկայացնելու համար» պատվոգրերով պարգևատրվեցին դպրոցի բոլոր դասարանները: «Բարին արա» ակցիա-միջոցառումը շատ հագեցած էր, գեղեցիկ կազմակերպված և բորլորը մեծ բավականություն ստացան: