Հոկտեմբերի 20-ին Արմավիր քաղաքի Ռ.Եղոյանի անվան N1 ավագ դպրոցում մաթեմատիկայի ուսուցչուհի Լ.Հայրապետյանը դասղեկի ժամի շրաջանակներում կազմակերպել էր հանդիպում ֆիզմաթ գիտությունների թեկնածու, ԵՊՄՀ-ի մաթեմատիկայի ամբիոնի վարիչ, ՛՛Մաթեմատիկան դպրոցում՛՛ ամսագրի խմբագիր, Հանրահաշիվ 7-9-րդ դասարանների դասագրքերի հեղինակ Համլետ Միքայելյանի հետ:
Աշակերտները ընթերցեցին հատվածներ Համլետ Միքայելյանի հեղինակած ՛՛Բարոյական արժեքները և մաթեմատիկայի կրթական ներուժը ՛՛ գրքից: 
Հ. Միքայելյանի զրույցը սովորողների հետ մարդկային արժեքների և մաթեմատիկայի կապի տպավորիչ վկայությունն էր: Հանդիպմանը մասնակցում էր նաև մաթեմատիկական գիտությունների թեկնածու, դոցենտ Ռ . Մնացականյանը:
Պրն. Միքայելյանը դպրոցին նվիրեց իր հեղինակած գրքերից: Հանդիպմանը ներկա էին մաթեմատիկայի մասնախմբի ուսուցիչները: Հանդիպումը ամփոփեց դպրոցի տնօրեն Ն. Դոլինյանը՝ շնորհակալություն հայտնելով հյուրերին բովանդակալից և յուրօրինակ ներկայանալու համար: