Հերթական անգամ ՀՀ ԿԳՆ «Սևանի Խ. Աբովյանի անվան ավագ դպրոց» ՊՈԱԿ-ում հունվարի 26-ին միջոցառում էր,  յուրօրինակ, հուզիչ և բազմաբովանդակ: Արմինե Մելքոնյանի նախաձեռնությամբ և տնօրենության պատրաստակամ օգնությամբ դպրոցում կազմակերպվել էր բանահավաք, պատմաբան և հրապարակախոս Վահե Անթանեսյանի (Վահե Լոռենց) հերթական գրքի` «Հայոց տաճարի» շնորհանդեսը: Առաջին անգամ դպրոցում եզակի միջոցառում էր կազմակերպվել և հուզիչ էին բոլոր ելույթները, հետաքրքիր էր գրքի քննարկումը, աշակերտների երգն ու պարը, գրքի օծումը կազմակերպեցին հեղինակը և դպրոցի տնօրեն Լիաննա Մկրտչյանը: Մեր հյուրն էր նաև երգահան, առակագիր Արսեն Համբարյանը, որի բացառիկ ձայնը երկրորդ անգամ էր հնչում դպրոցի կամարների տակ:Կարմիր գինու անապակ կաթիլներով ցողվեց «Հայոց տաճարը», որը այսօր տնօրենի առանձնասենյակի հարստություններից է:

       Դպրոցում  նման  գրական միջոցառումներ  միշտ են կազմակերպվում և շարունակական են: