Փետրվարի 28-ին Աբովյան քաղաքի թիվ 2 հիմնական դպրոցի 6ե դասարանը նշեց Բուն Բարեկենդանը: Մեծ պահքի բարեկենդանը կոչվում է Բուն Բարեկենդան, քանի որ նախորդում է ամենաերկար պահքին: Բարեկենդանը մարդու երջանկության հիշատակն է, որը դրախտում վայելում էին Ադամն ու Եվան: Այն նաև դրախտային կյանքի օրինակն է, որտեղ մարդուն արտոնված էր ճաշակել բոլոր պտուղները, բացառությամբ բարու և չարի գիտության ծառի պտղից, որը պահքի խորհրդանիշն է: Բարեկենդանն առաքինությունների արտահայտություն է: Այդ օրը մարդիկ սգից անցնում են ուրախության, չարչարանքից` խաղաղության: Այս ընկալմամբ է, որ յուրաքանչյուր քրիստոնյա հոգու խոնարհումով, ապաշխարությամբ, պահքով և ողորմության հույսով սկսում է Մեծ պահքի ճանապարհը: Այն տևում է 48 օր՝ Բուն Բարեկենդանից մինչև Ս. Հարության՝ Զատիկի տոնը: Միջոցառումը կազմակերպվել էր հայոց լեզվի ուսուցչուհի Ռուզան Գրիգորյանի և ՀԵՊ առարկայի ուսուցչուհի Լուսիկ Հայրապետյանի կողմից: Երեխաները ներկայացրեցին տոնի նկարագիրը, մեծ ոգևորությամբ երգեցին և պարեցին ազգային պարեր, նաև պատրաստել էին ավանդական ուտեստներ :