ՓՈԽԳՈՐԾԱԿՑՈՒԹՅԱՆ ՀԱՄԱՁԱՅՆԱԳՐԻ ՍՏՈՐԱԳՐՈՒՄ ՀՐԱԶԴԱՆԻ Հ. 13 ԱՎԱԳ ԴՊՐՈՑՈՒՄ
Մարտի 2-ը առանձնահատուկ օր էր Հրազդանի Հ. Օրբելու անվան N13 ավագ դպրոցում,ուր հյուրընկալվել էին Հայաստանում ֆրանսիական համալսարանի ռեկտոր պրոֆեսոր Ժան Մարկ Լավեստը և ռեկտորի տեղակալ պարոն Ար. Նավոյանը՝ դպրոցի հետ փոխգործակցության համաձայնագիր կնքելու համար: 11-րդ դասարացիներ Միլանա Հուսիկյանը, Մարիետա Մկրտչյանը, Ասթինե Սայադյանը անթերի ֆրանսերենով դիմավորեցին հյուրերին և ներկայացրին դպրոցի պատմությունը, նվաճումները, շրջայց կատարեցին ողջ դպրոցով: Ֆրանսերենի ուսուցչուհիներ Աննա Դերունյանը և Արմինե Վարդանյանը նախապատրաստել էին գողտրիկ մի միջոցառում՝ նվիրված փոխգործակցության համաձայնագրի ստորագրմանը և ֆրանկոֆոնիայի միջազգային օրվան: Այսուհետ մեր դպրոցի սովորողները ֆրանսիական համալսարան ընդունվելիս կունենան զգալի արտոնություններ:
© 2013-2014, Դպրոց կենտրոնների միություն