2016-2017 ուսումնական տարվա մեր ուսուցչական երկրորդ նվաճումը Պարգևներ և պատվոգրեր` կանանց մեկամսյակի առթիվ Կանանց մեկամսյակի կապակցությամբ մարզպետ Աշոտ Ղահրամանյանի գլխավորությամբ Արմավիրի մարզպետարանում հրավիրված հանդիպմանը կրթական, մշակութային գերատեսչությունների ղեկավարների և մարզպետի կողմից պարգևներ և պատվոգրեր հանձնվեց ոլորտի մեծ թվով պատասխանատուների, աշխատակիցների: Ի դեմս ներկաների` Մայրության ու գեղեցկության տոնի առթիվ մարզպետ Աշոտ Ղահրամանյանն իր շնորհավորանքի խոսքը հղեց բոլոր մայրերին ու կանանց` նշելով. «Մեզանում հաճելիորեն ընդունված կանանց մեկամսյակը լրացուցիչ և պատեհ առիթ է երախտիքի և մեծարանքի խոսքեր հղելու մեր սիրելի մայրերին, կանանց, քույրերին ու դուստրերին, արժևորելու նրանց կարևոր ու անփոխարինելի դերը մեր կյանքում և մաղթելու քաջառողջություն, բազում հաջողություններ և անսահման երջանկություն»: Ապա կրթության բնագավառում, մատաղ սերնդի դաստիարակության գործում ունեցած ավանդի համար և կանանց մեկամսյակի կապակցությամբ մարզպետ Աշոտ Ղահրամանյանի կողմից պատվոգրով պարգևատրվեց Մյասնիկյանի Արայի անվան միջնակարգ դպրոցի տարրական դասարանների ուսուցիչ Մարինե Լևոնի Կարապետյանը: