2017 թվականի ապրիլի 13-ին Կոտայքի մարզի Աբովյանի թիվ 2 հիմնական դպրոցի 5գ դասարանում կայացավ ինտեգրված բաց դաս՝ <<Մաթեմատիկան սիրում է քեզ>>, <<Անգլերենը նույնպես սիրում է քեզ>> խորագրով՝ միջառարկայական կապի և նոր տեխնոլոգիաների կիրառմամբ:Դասը վարում էին մաթեմատիկայի ուսուցիչ Լուսինե Ավագյանը և անգլերենի ուսուցիչ Գայանե Իսպիրյանը:Դասի թեման էր՝ <<Սովորական կոտորակներ>>:Դասի նպատակն էր աշակերտների մեջ զարգացնել դպրոցական տարբեր առարկաների միջև կապ տեսնելու և այդ կապը գործնականում օգտագործելու հմտություններ և կարողություններ,սովորեցնել կիրառել գիտելիքները խնդիրների լուծման ժամանակ,զարգացնել աշակերտների վերացական մտածողությունը:Դասի ընթացքում աշակերտները սովորեցին կոտորակների հետ կապված տարբեր հասկացությունների,համեմատության նշանների անգլերեն արտահայտման ձևերը,կարողացան հասկանալ անգլերեն լեզվով տրված հարցերն ու առաջադրանքները,թարգմանել և տալ դրանց լուծումները: Աշակերտները նախապես բաժանվել էին 4 խմբի և խմբակային աշխատանք կատարեցին նաև պաստառներով,որոնց վրա տրված էին առաջադրանքներ:Իսկ վերջում աշակերտները անգլերեն լեզվով ներկայացրեցին մաթեմատիկոսներ Իսահակ Նյուտոնի և Չարլզ Բեբբիջի մասին տեղեկություններ: