ՍՈՒՐԲ ԶԱՏԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐ ԳԱՅԻ ՄԻՋՆ. ԴՊՐՈՑՈՒՄ
Ս/թ ապրիլի 14-ին <<Գայի միջնակարգ դպրոց>> ՊՈԱԿ-ում տեղի ունեցան մի շարք միջոցառումներ, որոնք խորհրդանշում էին Սբ. Զատկի տոնը: Օրվա սկիզբը ավետեց Սբ Նշան եկեղեցու քահանա Տեր-Գևորգը: Նա հանդիպեց աշակերտների հետ և հետաքրքիր զրույցով հարստացրեց աշակերտների գիտելիքները: 3-րդ դասարանի աշակերտները իրենց դասվարներ` Ա. Ազիզյանի և Ա. Խաչատրյանի ուղեկցությամբ եղան եկեղեցում, ստացան քահանայի օրհնությունը և միասին աղոթք հղեցին առ Աստված: Միջին դասարանների աշակերտները նշեցին Սբ Զատիկը, կազմակերպեցին օրվան նվիրված խաղեր ու մրցույթներ, իսկ 6-րդ բ դասարանը` դասղեկ Ս. Հայրապետյանի և Հայոց լեզվի և գրականության ուսուցչուհի Գ. Դանիելյանի օգնությամբ, ներկայացրեցին միջոցառում, հնչեցին ծիսական երգեր տոնին համահունչ:
© 2013-2014, Դպրոց կենտրոնների միություն