«ԱԶԳԱՅԻՆ ՀՊԱՐՏՈՒԹՅՈՒՆ» ԹԵՄԱՅՈՎ ԴԱՍ-ՍԵՄԻՆԱՐ ԵՐԵՎԱՆԻ Գ. ԷՄԻՆԻ ԱՆՎ. Հ. 182 ԱՎԱԳ ԴՊՐՈՑՈՒՄ
Մայիսի 19-ին Գ. Էմինի անվան թիվ 182 ավագ դպրոցում անցկացվեց «Ազգային հպարտություն» թեմայով դաս-սեմինար:
Դաս-սեմինարին հրավիրված էին մշակույթի գործիչներ՝ Գ. Սունդուկյանի անվան պետ. ակադեմիական թատրոնի առաջատար դերասան , ՀՀ վաստակավոր դերասան Հարություն Մովսիսյանը, ՀՀ արվեստի վաստակավոր գործիչ ,ռեժիսոր Հայկ Մնացականյանը, դերասան Սամվել Ղազարյանը , ՀՀ Մշակույթի նախարարության ժողովրդական երաժշտության ազգային կենտրոնի պրոդյուսեր Դավիթ Կարապետյանը:Դասի նպատակն էր՝ օգնել աշակերտներին,որպեսզի գտնեն այն ամենակարևորն ու բնորոշը,որով հպարտանում են իրենք::Դասն սկսվեց ուսուցչի ներածական խոսքով,որ,այո՛, մեր հետագիծը հավաստում է,որ հայ լինելը ինքնին արժեք է :Աշակերներին տրվեց առաջադրանք ,թե ինչն է հպարտության զգացողություն առաջացնում նրանց մոտ:Տեղի ունեցավ հաղորդակցում հյուրերի հետ:Դասն անցավ կազմակերպված և հետաքրքիր: Հյուրերը ներկայացրին իրենց անցած ուղին, ձեռքբերումները, ինչով են հպարտ, ինչն է նրանց թևավորում և ոգևորում միշտ առաջ ընթանալու ու արժանավայել ապրելու համար:
Դասը նպաստեց աշակերտների ազգային, հայրենասիրական ոգով դաստիարակմանը :
