2017թ. սեպտեմբերի 26-ին Վաղարշապատի Մ. Գորկու անվան N5 ավագ դպրոցում տեղի ունեցավ ՀՀ նախագահի աշխատակազմի կողմից ՀԿ-ներին տրամադրվող դրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում ԴԿՄ ԻԱՄ-ի և «Կրթություն առանց սահմանի» ՀԿ-ի կողմից հայտարարաված «Հայ զինվորը…» խորագրով մրցույթին նվիրված դաս-սեմինար, որին մասնակցում էին 9-10-րդ դասարանի աշակերտները: Դասը սկսվեց ՀՀ օրհներգի կատարմամբ, որին հաջորդեց մտագրոհը՝ արժեքների թվարկմամբ: Այնուհետև աշակերտներից յուրաքանչյուրը գրեց իր համար ամենակարևոր երեք աժեքները՝ նախապես բաշխված կպչուն թերթիկների վրա: Արդյունքում ունեցանք արժեքների հետաքրքիր և գունավոր պատկեր, որի վերլուծությունը ցույց տվեց, որ աշակերտների համար երեք գլխավոր արժեքները ընտանիքը, հայրենիքը և արժանապատվությունն են:Աշակերտները եկան այն եզրահանգման, որ իրենց կողմից առանձնացված այս երեք արժեքների պահպանման հիմքում հայ զինվորն է կանգնած, ով օր ու գիշեր արժանապատիվ կերպով հսկում է հայրենիքի սահմանները: Սեմինարի ընթացքում աշակերտները ակտիվ քննարկում ծավալեցին ՀՀ պաշտպանության նախարար Վիգեն Սարգսյանի ելույթից առանձնացված նյութի շուրջ: Դասի վերջում ունեցանք հյուր-բանախոս՝ մայոր Հարություն Հովհաննիսյանը, որը պատասխանեց աշակերտներին հուզող բոլոր հարցերին:Աշակերտներին ներկայացվեց մրցույթի պայմանները. նրանք մեծ ոգևորվածությամբ ձեռնամուխ եղան պաստառների պատրաստման գործընթացին: