7 фото · Updated несколько секунд назад

27.09.2017թ. Արզականի Խ. Խաչատրյանի անվան միջնակարգ դպրոցի 9-րդ դասարանում / դասղեկ՝ Ց. Պետրոսյան/ անցկացվեց դաս-սեմինար ՝ հիմք ընդունելով «Հայ զինվորը …» խորագրով պաստառների մրցույթի շրջանակններում ՀՀ դպրոցներում իրականացվելիք դասի օրինակելի պլանը, հետևելով առաջարկված նպատակներին ՝ դասն սկսվեց Հայաստանի Հանրապետության օրհներգի կատարմամբ, դասն ուղեկցվեց սահիկահանդեսով, որում ՀԱՅ ԶԻՆՎՈՐԻ անցած ուղին էր : Մտագրոհով ներկայացվեցին հոգևոր և նյութական արժեքները , կարևորվեց խաղաղությունը, որի պահպանման գործում կարևոր է պետականությունը, անկախությունը, բանակը… Ինտերակտիվ զրույց- դասախոսությունից հետո հանձնարարվեց խմբային աշխատանք /5 խումբ/. տրվեց բաշխման նույթ «ՀՀ պաշտպանության նախարար Վիգեն Սարգսյանի ելույթը պաշտպանության նախարարին կից կոլեգիայի նիստի ընթացքում»: Խմբերը ընտրում են ազգ –բանակի 3 կարևոր բնութագրիչները իրենց հանձնարարված հատվածում, քննարկում դժվարություններն ու խոչընդոտները տվյալ նպատակներին հասնելու համար. աշակերտները կատարեցին հետաքրքիր դիտարկումներ: Ընթացքում ունկնդրեցին Հայոց բանակի հիմնն ու «Պատիվ ունեմ» երգը: Աշակերտները անգիր ներկայացրեցին ազգ-բանակ երևույթի բոլոր բնութագրիչները: Ամփոփելով և կարևորելով ազգ-բանակ անքակտելի կապը՝ ուսուցիչը ներկայացրեց մրցույթի ժամանակացույցը և մեկնաբանեց աշխատանքների կազմակերպման հետ կապված հարցերը: