Արդեն 3-րդ տարի է Կոտայքի մարզի Աբովյանի N2 հիմնական դպրոցը համագործակցում է Սանկտ Պետերբուրգի «Կրթության համագործակցության ֆոնդի» հետ,որն իրականացնում է օնլայն դասեր ԽՍՀՄ նախկին պետությունների դպրոցների հետ: Այդ համագործակցումը նպաստում է տեղեկանալու այլ պետությունների դպրոցների ուսումնական ծրագրերի , կիրառվող մեթոդների մասին: 2017 թվականի հոկտեմբերի 24-ին կայացավ հերթական օնլայն դասը,որն անցկացնում էր քաղաք Օրյոլի N39 գիմնազիայի 9-րդ դասարանի ռուսաց լեզվի ուսուցչուհին:Դասի թեման էր «9-րդ դասարանում բանավոր խոսքի նախապատրաստումը ավարտական քննությանը»: Տվյալ դասին մասնակից դպրոցներն էին Աբովյան քաղաքի N2 հիմնական դպրոցը, քաղաք Ուրյուպինսկի լիցեյը,քաղաք Լիվնիի լիցեյը,քաղաք Վելիկիե լուկի N11 լիցեյը,քաղաք Տոլյատիի N35 գիմնազիան: Բաց դասի ունկնդիրներից էր նաև ֆոնդի փոխնախագահ Ֆյոդոր Ալեքսեյ Կոնստանտինովիչը: Աբովյան քաղաքի N2 հիմնական դպրոցից ՝ որպես ունկնդիր մասնակցում էին դպրոցի տնօրենը,ռուսաց լեզվի ուսուցիչներ,այլ առարկաների ուսուցիչներ և 9-րդ դասարանի աշակերտներ: Թեման ծանոթ էր և՛ ուսուցիչներին,և՛ աշակերտներին,որոշ չափով համապատասխանում էր մեր ուսումնական ծրագրերին և ուսուցանող էր փորձի փոխանակման համար: