«ԾԻՏԻԿՆԵՐԻ ՏՈՒՆԸ» ԹԵՄԱՅՈՎ ՄԻՋՈՑԱՌՈՒՄ ԱՐՏԱՇԱՏԻ ՀՈՎՀ.ԹՈՒՄԱՆՅԱՆԻ ԱՆՎԱՆ Հ.2 ՀԻՄՆ. ԴՊՐՈՑՈՒՄ
Այսօր Արարատի մարզի ք. Արտաշատի Հովհ.Թումանյանի անվան թիվ2 հիմն. դպրոցի 3-րդ ա դասարանում օրինակելի դաս էր մայրենիից/ Ուսուցչուհի Ջեմմմա Գրիգորյան/:Դասի թեման ` Ռազմիկ Դավոյանի <<Ծիտիկների տունը>> ստեղծագործությունն էր: Դասի նպատակը աշակերտների նկարագրական խոսք ստեղծելն էր` ըստ բնագրի բառերի և բառակապակցությունների: Դասը հագեցած էր ՏՀՏ-ով: Դասին օգտագործվեց բավականին ժամանակակից մեթոդներ,հնարներ: Մայրենիի դասը ինտեգրված էր տեխնոլոգիայի ձեռնարկատիրական կրթության բաղադրիչին:Աշակերտները նոր նյութը սովորեցին տեղում , արտասանեցին, երգեցին,պարեցին: Հնչեց <<Ախ, ինչ լավ է>> ստեղծագործությունը շվիով:Աշակերտները բեմադրեցին փոքրիկ ներկայացում << Ծիտիկ Ճնճղուկյանը ծաղկած ծառի վրա >> խորագրով: Կարողացան ներկայացնել, որ իրենց ցուցադրած ներկայացումը ծառայություն է, որը բարիք է: Աշակերտները թվարկեցին նաև այլ ծառայություններ, կարողացան տարբերել ապրանքն ու ծառայությունը: Դասին ներկա էր գտնվում <<Ձեռնարկատիրական կրթության բաղադրիչի>> Արարատի մարզի ղեկավար Անահիտ Ազիզյանը:Ներկա գտնվողները հայտնեցին իրենց գոհունակությունը օրինակելի,ուսանելի և բովանդակալից դասի համար:
