«ԵՍ ՀՊԱՐՏ ԵՄ, ՈՐ..» ԹԵՄԱՅՈՎ ԴԱՍ ԱՐԱՐԱՏ ԳՅՈՒՂԻ Հ. 2 ՄԻՋՆ. ԴՊՐՈՑՈՒՄ
«Դպրոց-կենտրոնների միություն» իրավաբանական անձանց միության,ԿԱՍ ՀԿ-ի և ՀՀ Մշակույթի նախարարության աջակցությամբ իրականացվող «Ազգային հպարտություն» ծրագրի շրջանակներում Արարատի մարզի Արարատ գյուղի №2 միջնակարգ դպրոցում մայիսի 19-ին 8-րդ դասարանում անցկացվեց դաս-սեմինար:Դասը վարում էր դասղեկ Ա.Հովհաննիսյանը: Այն սկսվեց Պ.Սևակի «Հպարտանում եմ» բանաստեղծության ընթերցմամբ,որը խթանեց աշակերտներին` մտածելու,թե իրենք ինչով են հպարտ:Դասն ուներ նաև հյուր` նույն դպրոցի շրջանավարտ,Արարատ գյուղի բնակիչ Անի Բաղդասարյանը,ով այսօր Մյունխենի համալսարանում խորացնում է խեթերենի մասին ունեցած իր գիտելիքները: Նա հանգամանորեն պատասխանում էր աշակերտների հարցերին և տալիս սպառիչ ու շատ հետաքրքիր պատասխաններ:
© 2013-2014, Դպրոց կենտրոնների միություն