Նոյեմբերի 22-ին Նորատուս գյուղի հ. 1 միջնակարգ դպրոցի 5-րդ դասարանում անցկացվեց օրինակելի դաս «Մայրենի» առարկայից (ուսուցիչ` Ռ. Բեգոյան): Դասի ընթացքում ուսուցչուհին ամփոփեց «Մեր մարենին» խորագիրը կրող գործնական աշխատանքի արդյունքները: Դասարանը կահավորված էր թեմային համապատասխան: 
Աշակերտները խմբով կամ անհատական ներկայացնում էին իրենց աշխատանքները: Դրանք պատի թերթեր էին, ցուցապաստառներ, գրքեր, գրքույկներ: Խմբերից մեկը ոչ միայն գիրք էր պատրաստել, այլև Մատենադարանի մասին մի հետաքրքիր տեսանյութ`երաժշտական յուրահատուկ ձևավորումով: Աշխատանքները շատ հետաքրքիր էին և յուրօրինակ: Աշակերտները աշխույժ ու ոգևորված էին ներկայացնում իրենց աշխատանքները, ինքնաբուխ և գեղեցիկ էին «Հայոց տառեր» երգի և օրհներգի կատարումները, ինչպես նաև բանաստեղծությունների ու իմաստուն մտքերի խմբակային արտասանությունները: Աշակերտները խոսում էին սահուն, գեղեցիկ ու անկաշկանդ: Ուսուցչուհուն հաջողվեց ճիշտ ուղղորդումով ամփոփել դասարանի բոլոր աշակերտների աշխատանքները: