> ՄԻՋՈՑԱՌՈՒՄ ԵՐԵՎԱՆԻ Հ.44 ԴՊՐՈՑՈՒՄ
Հունվարի 29-ին թիվ 44 հիմնական դպրոցում անցկացվեց հայրենասիրական դաս <26 հաղթական տարիներ> խորագրով: Դասը վարում էին քառօրյա պատերազմի մասնակից սպաներ Աղասի Ավդալյանը և Էդգար Եղիազարյանը: Միջոցառման կազմակերպիչ՝ դպրոցի զինղեկ Վալերի Վազյանը իր զեկույցով ողջունեց հյուրերին, ուսուցիչներին և աշակերտներին: Վ.Վազյանն իր խոսքն ամփոփեց հետևյալ տողերով. <Արիատենչ զինվորներ, միշտ գիտակցեք, որ դուք եք հաղթանակած պետության, հաղթանակած բանակի հաղթանակած քաղաքացին և զինվորը>: 6-րդ, 7-րդ և 8-րդ դասարանների մի խումբ աշակերտներ գեղարվեստական խոսքով ողջունեցին հյուրերին:Սպաները պատմեցին դրվագներ քառօրյա պատերազմից, պատասխանեցին աշակերտների հարցերին և փաստեցին, որ համայն հայության միասնության հիմքը Հայոց Ազգային բանակն է:
© 2013-2014, Դպրոց կենտրոնների միություն