«Դպրոց-կենտրոնների միություն» իրավաբանական անձանց միության,ԿԱՍ ՀԿ-ի և ՀՀ Մշակույթի նախարարության աջակցությամբ իրականացվող «Ազգային հպարտություն» ծրագրի շրջանակներում մայիսի 19–ին Արտաշատ ք. հ. 4 հիմնական դպրոցում անցկացվեց «Ազգային հպարտություն» թեմայով բաց դաս VII դասարանում: Դասը անցկացրեց պատմության ուսուցչուհի Ա. Կոստիկյանը: Դասը անցկացվեց համագործակցային մեթոդով, դասարանը բաժանվեց 6 խմբերի` խորհրդանիշներ, ծեսեր, մշակույթ, արժեքներ, ինքնություն, հերոսներ: Ուսուցչուհին դասն սկսեց «Ինչով եմ ես հպարտ» հարցի շուրջ մտագրոհով, որից հետո խմբերը ներկայացրին իրենց աշխատանքները` նախօրոք գծված աղյուսակի վրա լրացնելով իրենց ներկայացումները: Ուսուցչուհին դասախոսություն կարդաց «Ազգային հպարտություն թեմայով», որից հետո աշակերտները «Ազգային հպարտություն» հասկացությունը ներկայացրին իրենց ձեռք բերած գիտելիքներով` խորհրդանիշներ, ազգային հերոսներ, ծեսեր, ինքնություն և մշակույթ: Դասի ավարտին աշակերտները եկան այն եզրահանգնման, որ միայն հպարտանալու զգացումը դեռևս լիակատար չէ, քանի որ պետք է ձգտել արժանի լինել, օրինակ մշակութային ժառանգությանը, բնության հրաշալիքներին, հերոսներին` պահպանելով ու պաշտպանելով, սեփական ներաշխարհում կարևորելով ու վեհորեն բարձր պահելով դրանք: