Հունվարի 26-ին Մեծ Մասրիկի միջնակարգ դպրոցում տեղի ունեցավ միջոցառում` նվիրված Հայոց բանակի կազմավորման 26 ամյակին: Հայոց բանակն ուրախության ու հպարտության մեծագույն առիթ է ոչ միայն Հայաստանում , այլև ամբողջ աշխարհում ապրող մեր հայրենակիցների համար: Ուստի Մեծ Մասրիկի միջն. դպրոցի սաները ևս իրենց գեղեցիկ խոսքերով, երգերով ու պարերով ապացուցեցին , որ արժանի զավակն են իրենց հայրենիքի: Նրանք քայլերթով բեմ բարձրացան, հնչեց օրհներգը, այնուհետև երդում տվեցին բոլոր ներկաների առաջ, որ հանուն հայրենիքի չեն խնայի իրենց կյանքը: Նրանք նշեցին ,որ Հայոց բանակը ծնվել է հերոսների սխրանքից, և որ մեր խաղաղ կյանքի համար նրանք չխնայեցին իրենց կյանքը: Միջոցառման վերջում հիշեցին նաև ապրիլյան քառօրյա պատերազմի մասնակիցներին և իրենց հարգանքի տուրքը մատուցեցին զոհվածների հիշատակին: Անդրադարձան Կապիտան Արմենակ Ուրֆանյանին, քանի որ նա ևս ծնվել էր Հայոց բանակի օրը՝ հունվարի 28 –ին: Վերջում բոլորը խոնարհվեցին այն քաջորդիների հիշատակի առջև, ովքեր չխնայեցին իրենց կյանքը հանուն գալիք սերունդների